የደቡብ ምዕራብ ኢትዮጵያ ሕዝቦች ክልል ርዕሰ መስተዳድር አቶ ፍቅሬ አማን በተገኙበት በሸካ ዞን ከተለያዩ ማሕበረሰብ ተወካዮች ጋር የትውውቅ እና ውይይት መድረክ በቴፒ ከተማ እየተካሄደ ይገኛል።
ውይይቱ በአዲስ የተመሰረተው የክልል መንግስት ከዞኑ ማህበረሰብ ክፍሎች ጋር ትውውቅ ከማድረግ ባሻገር በጋራ ልማት፣ በሰላምና በመልካም አስተዳደር ጉዳዮች ላይ ተወያይቶ የጋራ መፍትሔ አቅጣጫ ለማስቀመጥ ያለመ ነው።
በውይይቱ የክልሉ ርዕሰመስተዳድር አቶ ፍቅሬ አማን፤ የክልሉ ብልጽግና ፓርቲ ቅ/ጽ/ቤት ኃላፊ አቶ ተክሌ በዛብህን ጨምሮ የክልሉ ከፍተኛ የስራ ኃላፊዎች፤ የዞንና በየደረጃው ያሉ ከፍተኛ አመራሮችና የተለያዩ ማህበረሰብ ክፍል ተወካዮች ተገኝተዋል።
