በደቡብ ምዕራብ ኢትዮጵያ ህዝቦች ክልል ርዕሰ መስተዳድር አቶ ፍቅሬ አማን የተመሩ የክልልና የዞን የስራ ኃላፊዎች የወልድሃኔ_ዱርጊ_ዱራሜን የመንገድ ስራ ጎብኝተዋል።
ለረጅም ጊዜ የህዝቡ የመልካም አስተዳደር ጥያቄ ሆኖ የቆየው ይህ መንገድ ፤ በመደመር መንግስት ይሁንታ አግኝቶ ወደ ተግባር ተገብቷል።
አጠቃላይ ፕሮጀክቱ 40.11 ኪሎ ሜትር ሲሆን የአፈር ቆረጣ ስራን ጨምር የተለያዩ ተግባራት በመከናወን ላይ ይገኛል።
3 መቶ 40 ሜትር ድልድይ ተሰርቶ አገልግሎት እንዲሰጥ ጥናት ተደርጎ የጨረታ ሂደት ላይ ይገኛልም ተብሏል።
የክልልና የዞን መንግስት በየጊዜው የአፈፃፀም ደረጃውን ክትትል በማድረግ አስፈላጊውን ድጋፍ እያበረከተ መሆኑ ተመላክቷል።
የክልሉ ብልፅግና ፓርቲ ቅርንጫፍ ጽ/ቤት ኃላፊ አቶ ተክሌ በዛብህ፣ ምክትል ርዕሰ መስተዳድርና የግብርና ቢሮ ኃላፊ አቶ ማስረሻ በላቸውን ጨምሮ አስተባባሪ አካላትና ሌሎች አመራሮች በጉብኝቱ ተገኝተዋል።
